Wednesday, May 18, 2016

බලාන ඉන්නම් පෙරමග... එනු සෙනෙහස සතුට අරන්...

සිටියානම් නුඹත් වැස්සේ මගෙත් එක්ක තෙමෙන්න
සීතල හුලඟට දැනෙනා සීතල මග හරින්න
පුංචි කාලෙ වගේ වතුරෙ ඔරු පාකර යවන්න
හිතට දැනෙන මේ සිතුවිලි කවුරුත් නැහැ  කියන්න

නුඹෙ කඳුළු ද මන්දා මේ තෙමන්නෙ මගෙ හිත හොඳටම
නුඹෙ සුසුම් ද මන්දා මේ හමන්නෙ මද නළ සමගම
පුර සඳ ලෙද දුල නුඹෙ වත හංගා ගෙන කලුවරේම
නෙතු තරු කැට යුවල සොයමි ඇහැරී මම රෑ පුරාම

හිරු වී පායන්න බැරිද යලි මා ලොව එලිය කරන්
පරවුනු සෙනෙහසේ කුසුම් පිපෙන්න හද සුවඳ දරන්
කවදා හෝ නුඹ එනතුරු මහදේ දොර කවුළු ඇරන්
බලාන ඉන්නම් පෙරමග එනු සෙනෙහස සතුට අරන්

4 comments:

  1. මිනිස්සුන්ව ජීවත් කරන්නේ බලාපොරොත්තු කියනවනේ

    ReplyDelete
    Replies
    1. අනිවාර්යයෙන්ම

      Delete