නුඹ යනවා සිත සතුට අරන්
ඉන්න කියන්නට ආස උනත් හිත
දන්නව රැඳෙන්න බැරිබව මං
මූදු හතක් ඈතින් හිටියත් නුඹ
දැනෙන්නෙ නැහැ අප දුර බව නම්
ඔබ හිනැහෙන කොට අහස බලාගෙන
තරු කැට පවසයි මට රහසින්
කවියක් ලියන්න තරමට බැහැ සිත
එක තැනකට ගොනු කරගන්න
පුලුවන් තරමින් මම මේ ලිව්වේ
ඔබ නැති පාලුව දැනගන්න
ආයෙත් කවදා හරි එක දවසක
ආ විට එනු මැන හමුවෙන්න
එතකන් තනියට මා සිහි වෙන්නට
මගෙ තනිකම අරගෙන යන්න
No comments:
Post a Comment