මද නළ සුවඳ දස අත
කුරුළු ගී සවනත
වසන්තය ගෙනැවිල්ල සිත වෙත
පොඩි පැලය කඩුපුල්
පිපී ලා අද සුදු මල්
පුර පසට බැඳ ලොල්
බලා උන් හැටි හරිම හුරතල්
හිටි හැටියේම මොහොතක
මුවාකර දිනකර වත
විපරීත කොට තුන්සිත
කළු වලා හිනැහුනා ගගනත
සුපුරුදු සුවඳ අතහැර
සීතල ගතිය එක්කර
පෙති මලින් වෙන්කර
රුදුරු වී හමනවා මදනල
දෙදරවා සිත් අහසම
අළු කර පැතුම් මල් හැම
සඟවා සඳත් රහසෙම
කඳුලු වැහි වහිනවා දවසම
කාලයක් ගෙවුනා
මහ වැසි තුරල් කෙරුනා
නිල් අහස පෙනුනා
හෙමි හෙමින් හිරු ගුවනෙ නැගුනා
No comments:
Post a Comment